越野雄心 - 粵北山水遊
前言：清明復活連續5日紅假，唔外出好似好浪費，本來跟四方形去桂林玩，點知買唔到車票冇得去，結果同阿溢立即轉線，迅速(叫做齊搵資料)改去粵北玩。 兩條友分別同萬人迫過關，最後要到深圳先相遇...> <，搭唔到深圳去韶關既火車，唯有先上廣洲，最快都要1:30pm有車位，就係咁等等下撞到大S兩個人，竟然同路，啱晒。 2007年4月5-9日
day 1 深圳 – 廣州 – 韶關 – 乳源 day 2 乳源 – 乳源大峽谷 – 南嶺五指山村 day 3 南嶺國家森林公園 (九重山瀑布群, 小黃山玉兔峰, 親水谷壺穴群) – 韶關 – 英德 day 4 英德 – 英西九龍鎮 (岩下村迴龍洞, 明逕景區觀音谷, 溪村地下河) – 清遠 day 5 清遠 – 深圳
Day 1-2 → Day 3 → Day 4-5
大S協助買票2116次，3:17係廣州出發19元超低，6:30到韶關，全日未食過飯...> <。
(廣州上火車，好舊好污糟)	(落車先見到有飯賣，不過要趕出閘)	(出閘後又唔打的，話要行去河西汽車站)
(7點，啱啱好趕到尾班車入乳源)	大S介紹間白雲天賓館，司機話到站，我地落車見到間高級酒店，入到去，嘩...冇5都有4星，300一晚，真係好介紹，點知原來市中心都有一間，結果，又要打程的過去，80一晚，低。 8點幾，行轉成個市都搵唔到野食，最後係一間好似要打洋既四川飯店先有啖飯落肚...> <	(嘩...全日到依家，終於有飯落肚)
Day 1-2 → Day 3 → Day 4-5
乳源大峽谷景區
係賓館介紹下，約好個司機包車來回大峽谷200，一早食個早餐就出發，4個人坐成2hrs私家車，屎忽都痺埋。 細x買咗袋番薯一路行一路食一路...門票35+3，入場	(乳源大峽谷，香港都有團到)	(落谷，雖然冇雨，但好大霧)
(一條長命梯，好在係落)	(中途有人賣水晶，我地只係對邊到有得採有興趣，係咁叫佢地帶地去玩)	(大霧得黎，風景又幾好)
(大峽谷既主瀑，真係極度有氣勢)	(只有置身其中，先可以體會現場既震撼)
(瀑頂橫崖巨峽，有人玩表演)	(整個峽谷都係絕壁)	(瀑底一個巨潭，水質麻麻)
(大峽谷，其實係一條下陷河谷)	(離遠回望峽谷盡頭)	(一再下陷)
(峽谷其他地方都有瀑布)	(主河道就一瀑接一瀑，好壯觀)
(谷底河狹窄既峽底)	(水力發電既引水道)	(雨後秀麗既河谷)
(河谷裡面既奇岩石峰)	(去到可遊覽既盡頭)	(就係水卷寨景區，水極清)
(冇時間遊水卷寨，要返上去)	(1386級既通天梯呀...> <)	(有纜車，不過維修當中)
(回到大峽谷頂，睇景一樣好正)	(雲霧飄飄既大峽谷，真係靚到暈)
(谷頂回望走過既谷底)	(另一個角度睇大瀑布)	(大峽谷，值得一遊)
(大峽谷上源，大布河)	(臨走食返碗豆腐花先，1元正呀)	(又坐兩粒鐘車，返到白雲天賓館)
用咗半日遊大峽谷，3:00pm返到乳源市，諗住食個飯先，點知未坐底就有個司機走埋黎：「係咪去南嶺，去到山腳60，趕住走...」，咁低，搭公車都唔得啦，即走，結果又食唔到飯...> < 去到南嶺山腳搵旅館，望望間橙屋，太貴，最後決定住叢林賓館100元，留長頭痛去咗訓覺，其他人各自閒遊影相去。
回首頁	-->第三日南嶺	外地遊歷