鶴藪營地起步，先經丹山河旁邊既燒烤場
可以係燒烤場直接入澗，先行丹山河
丹山河其實就係鶴藪水塘下源，流經丹竹坑至梧桐河
呢一段既丹山河其實唔錯，澗闊多奇石
闊落既澗床，甚有名澗之風
火星鐘意玩開窿，連石都唔放過
呢一段，真係幾多石玩
認住澗左呢舊圓石，就係白鶴坑既入口
開始轉上白鶴坑，石澗上陡
全澗深藏係樹林裡面既石澗，真係好多滕
只係開頭多滕，之後條澗都好闊
長期係林內既澗石都生滿青苔
跟住就係大大細細既石頭澗途
偶然都有D好清既小潭
長期係林入面既石，自然滑
偶然先可以見下個天
中段有個小瀑壁出現，正面上
又有一個石峽，又可以正面上
少有既壁位，但比滕蓋晒
又可以見下陽光
石澗不斷斜上，不過都係石頭坑道
好多位都要爬，但唔算難
條澗真係幾闊
發現一舊鱗紋石，幾得意
跟住就係全澗最大既石峽，滑壁水流
好滑好難行
繼續向上爬
又發現好多"介殼蟲"，不過呢隻反咗肚
成個景區都係青BB
休息完又繼續爬
後段比前段既更陡，即使冇壁都要爬住上
伋然都係大石滿途，一級級咁爬
一個大峽，又係石頭滿佈
又發現石上有奇窿，唔通又係火星所為
到上源，澗道方平
上到390m左右，澗途收窄，但唔算密
呢到既白花油生到成個樹林咁高，可以右邊離澗
離澗就接山脊而上，可以回望白鶴上源澗谷
沿脊上就係白燕岩北脊，可以欣賞南山同鶴藪風光
回首頁
石澗尋幽