越野雄心-- 鵝肚坑 行程
鵝肚坑,飛鵝山西面流入彩輝邨,為飛鵝山較大的一條坑流,坑乘山勢陡直攀升,壁多缺潭,尾段一幅草泥坑道不宜硬闖,若以飛鵝山的險線相比,鵝肚坑反而比較行。 07/2/06(半天)

飛鵝山出名險,處處險脊危崖,但當中石景又精采非常,尤其係西脊稱之謂鵝肚,大把野玩

鵝肚坑下源啱啱動工完畢,變成一條靚渠

扎山道,去鵝肚必經之路,賞鵝都錯

旁邊有山路入澗,乾坑一條

冇水季節,下源又林又多大石

又遇一巨石峽,各有各上走路線

爬樹上,直接上大石頂,突然開揚

四方形爬呢個位,結果要除鞋先上到...^^

中段一個開揚石峽位,又有得玩下

石峽以上,又入番林

石澗兩邊不時係D壁崖,唔覺意又會爬咗出去

條澗越上就越陡,又一崖壁峽位

開始離開樹林同大石區,坑峽變得又直又削

狹窄既坑峽,反而呢到有水有小潭仔

連續既石峽,又係各有各精采,正攀都得

爬得咁上下,回望欣賞下條坑峽

接住既係一條更深更高既壁槽瀑位,似乎難以上攀

四方形爬上去探一探,結果頂上又比大石所阻

結果都係要橫移右邊玩攀壁

呢幅壁就好玩好多,有手腳位得黎又好考功夫

回望返上到到既大深峽

崖頂係一個大斜草坡,石澗收窄

返落石澗都已經冇乜野睇,又多草

前面澗谷右上面既突岩,好似一隻老虎,守谷

回望山下,香港空氣唔好又一証明,不過咁既情景又幾靚

再前行,虎頭就變形,飛機不停係谷頂飛過

望去左邊就係企人左脊,好似都有幾堆石玩

因為條澗冇野睇,所以右轉上爬上老虎石(人面岩)

望返鵝肚坑前面係滑泥草坡,唔好玩,但右脊上攀人面岩呢邊同樣唔好得去邊,又直又危

草坡難上,唯有攀崖

真係好嚇人既崖坡,手心標晒汗

呢幅崖線好平滑,就只有最外圍有手腳位可上,但係果種懸空感真係嚇死人,好驚

如果直上可以去到人面崖底,不過係死路

結果都係要靠左草坡上,四方形已經一早繞路上頂

而阿ling就繼續係草坡爭扎...@@

終於平安上到人面崖頂,休息一下睇下風景先

沿脊上,就已經係巨鯨岩

巨鯨岩,真係好巨形,同樣,唔同角度有唔同形象

底部又係一堆碎岩絕壁,只可影相

巨鯨則邊就好易上,唔用手都得

巨鯨望獅子

天黑啦,沿一段石河上走

山脊仲有唔少石頭石景

不過就冇時間玩,只可以欣賞夜景

上到鵝頂,大霧又有月亮,幾詭異

之後沿倚天脊大路落山,黑麻麻玩玩倚天岩,睇夜景

發覺倚天岩可以玩玩攀石,不過都係落山食飯

回首頁


石澗總覽
1