係油塘中心望過去魔鬼山，就可清楚見到呢幅魔鬼西崖
不過其實魔鬼西崖係分左崖同右崖兩大幅大板斜壁
我地今次先行左崖，呢條就係上攀路線
成3點鐘先係油塘出發
高超道轉入衛徑第三段前，左邊有間慈德善社，有條小路可以通上北面山坳
上到間廟，睇魔鬼左崖就更近更清楚
N年前其實有條山路通過崖底
不過今日已經變成密林...> <
地圖依然有呢條虛線既山路，剷完一段林，我地都meet返佢，就係崖底，但比起剷既林仲密
到達崖底，上崖既第一步係最難既
又直又平既崖坡，又冇手腳位，幾乎上唔到
但又比群蚊追襲，結果都係硬爆上去
上到石壁，下段就輕鬆好多，只係斜
其實第一層係塊板坡，冇乜紋理，越上就越直
回望，呢個環境都唔錯
好近鯉魚門邨，比人見到可能以為我地被困
越上越直，都咪話唔驚
上段係直崖，結果都係要橫移右邊
轉入右邊草隙，雖然都直，不過有位可以上
呢段可以話係最直一段
回望真係好得人驚
則望就仲加險...@@
上到一個平台，可以休息下，睇下風景
影下相都唔錯，不過留得耐，驚以為被困
望去右崖果邊，可以見到呢舊呂字疊石，好精彩
繼續上攀第一層，呢段都係要靠草隙
一個一個上，慢慢黎
最難既上完，上段比較好爬
終於上到第一層頂，橫移左邊出去懸空石台
由石台望返去第二壁，比較易行
第二壁下望石台，精彩
第二壁有比較緩既斜位，可以走到去最左邊
回望返過去，佢兩個係第二壁中間
不過第二壁上段同樣係直崖，要繞佢
跟住就係爬第三壁，好斜但有位爬
所以影相就最正，仲可以望見將軍澳
呢個時候，望見則面既衛奕信徑有一班人發現我地，原來就係恆行之友
呢張就係恆行幫我地影既一張相...^^
第三壁，呢個角度影相太靚
所以影完又影
第三壁頂，真係太精彩
最後一段，上面要接返草脊
完成，興奮，回望，繼續去右邊探壁
佢兩個就轉草脊上頂
右移後，望見右崖，應該仲難
剷返上頂，先要攻城
最後一攀，終於逃脫...^^
到頂魔鬼山又名炮台山，風景好靚
上到頂又遇見恆行，原來佢地今日由大埔火炭跑山跑到黎呢到，活動名為-走火入魔，犀利
魔鬼山實在好靚，影多張相
再幫恆行影張大合照
黃昏，沿衛徑落返山，少半天之旅
再望右崖，好似冇可能咁...> <
今日天氣實在太好，回程時影既幾張日落相
青馬
汀九
魔鬼山落山既維港景色，好靚
回首頁
山海探奇