越野雄心-- 紅粉海岸				行程
紅粉海岸，是指大嶼山大澳至深屈的一段海岸，因這一帶海岸的岩石都呈粉紅色，其中以深屈灣對出紅粉石最為鮮艷，石紋奇特，加上沿岸平緩易走，值得一遊賞石，紅粉海岸同東北既紅石海岸正好一個斜角相對。 27/06/06

		今日行完蓮深三澗，再返落深屈，順道遊埋呢條紅粉海岸，不過已經黃昏啦...> < 另一個原因係因為上午水漲，要等水退，所以而家先行
係深屈沿水泥路行入茜草灣...有人扁晒咀		深屈真係一個好靚既海灣		走出岸邊，水大退，開始已經有紅粉石睇
水真係大退，成個石灘好好行		岸邊紅岩有個小海洞		呢到就係紅粉石，比起紅石門各有姿彩
近攝特寫，石紋就好似爛布邊一樣 不過聽肥pe講，雨天濕咗仲加靚		呢到既紅岩都幾多層次		石紋真係好有特色
紅到丫，呢一堆成堆鮮肉咁，都幾恐佈		粉紅橙，又真係好靚		不過長期浸水既地方就變成黑色
呢塊既色彩就好有層次，真係藝術品		粉紅得黎又有紋理，正		仲有特別既侵蝕岩石
偶然先有一幅高崖		橙色既一幅高崖，型呀		嘩...日落啦，要行快d啦
但咁靚既岩岸，趁仲睇到就睇多陣		加埋斜陽夕照，D石就更加鮮艷		呢一邊就有咁粉紅
臨近鐵德樹，D石就偏向橙色		同埋黎越少大石		在前D，直頭係紅粉石春灘
睇下個天，嘩，奇景呀		天快黑，加速，經過鐵德樹一條澗口		嘩...好靚既彩霞
		呢到仲可以睇機降落，影張特寫先
個天越黎越黑		D景越黎越暗		係咁行，經過幾個靚位都影唔到相
太陽落山啦，最後去到象榕坑上返山路返大澳走人，綿羊石都冇玩				回首頁 山海探奇