越野雄心--東馬肚-斷鳶壁
越野雄心-- 東馬肚-斷鳶壁 行程
東馬肚-斷鳶壁,馬鞍山馬鞍的東面,稱為東馬肚,在這深崖絕峽的境地,其實就是導成大洞坑右邊深遠的源頭,然東馬肚的崖壑,自山腳已感到其危不可攀,但在旅人的探索,竟然將這秘地一一開發,其內複雜的水系,更有撲朔迷離之感。
東馬肚石澗,是指東馬肚深峽內的左支大源,自下源而上,澗道不斷上陡,雖處身於深峽之內,澗道卻是寬敞,中段的蟬鳴峽,撲樹崖,翠瀑連橫均盡顯其特色,其源頂就是自山下望見靠左的一幅絕崖,稱為斷鳶(音淵)壁。
17/10/06

東馬肚

行程

地圖

東馬肚入口,十四鄉大洞禾寮,今日天氣麻麻

沿車路入,已經可以望見恐佈既馬肚列崖

今次諗住由下源直上,先右入村

隨便搵條路入澗,發現大量椂柚呀

大洞坑下源既水堤,好多雜草

好難行因為唔想濕腳,下源好密

一段比密叢封途,結果都係要上荒田而過

入返澗,依然好密,其實前面有條挖泥車路直達

竟然有一個咁大既堤壩

原來條車路,直開到水堤隔離

繼續上路,雖然密,但比之前暢通好多

下源澗道好平緩,行咗1k路先開始上升

呢條極荒蕪既石澗,水質好清

百米前既澗道,叫做蟬鳴峽

水管接駁既盡處,就係澗道開始精彩既地方

一條好闊大既右源來自官坑脊

一條短瀑,正式開始東馬肚危澗之旅

開始上陡,又有瀑壁睇

地圖上160米處,會見兩條等高線接埋

呢個位置,就係撲樹崖

即係話,瀑高至少20米

樸樹崖,真係好有氣勢

下層尚有削位可攀而上

但上層直削濕滑,半壁倒懸,好恐佈

係左邊望去上層崖壁

係上面回望壁底,只有一個小氹

欣賞完呢個撲樹崖,就要上崖啦

上樸樹崖要繞道左邊林壁位,阿勇示範撲樹

呢條線要外拋一個位先到上一層

呢條線下面原來仲有一條右入靠近主壁既上攀路線

靠入既呢條路線,有爛繩係到,崖位極削
懸空兩級,上面有一棵半枯狀態既樹,相信就係被撲得多
再上總算有棵夠力既樹頂住,好兇狠...> <

內壁線望主壁,只係見到草

脫險之後,橫移回澗,佢地係到影緊相

影完相,可以係到睇下風景

呢個位置,視綫無阻,不過都只係林

樸樹崖後,又係一段平澗

澗道澗落,開始翠瀑連橫段

真係小瀑不斷,仲有潭水極清澈

咁既翠瀑靚潭,即刻浸水

仲可以攀下小壁瀑,舒暢呀

醒神完,繼續上翠瀑

水質真係一流,好清

過狹坑小潭

到220幾米就係右坑分源位
右坑,就係彌天壁

左行,繼續翠瀑

澗坑開始狹削

不過依然翠瀑不斷

要上都唔係難

不過去到前面呢個絕峽瀑位

瀑底潭水滲流鐵質

正上唔到,要左邊繞道而上

不過呢邊山坡極鬆碎,好難行呀

稍有外望視線位,望見外面絕壁連連

按高度位置,呢個應該就係彌天壁

回澗再上,陡澗已經乾水

到320米左右,坑源再分左右,左去馬吭峽

今次右上,斷鳶壁在前

右入乾坑陡澗,越上越斜

接近400米就不斷咁爬

不過勝在乾坑易走

錶高參考385米,澗源比一幅壁所阻

大家都係到...頭咢咢

相信就係斷鳶壁所在,準備上啦

其實呢段壁位,相信係斷鳶左延既一小幅

呢塊壁底,兩邊都有帶,冇所謂正路

成塊壁生滿碎草,越上就越直

佢地爬緊既係右邊,雖然多草,但絕對唔可靠

四方形爬左面,係到爭扎,喂...唔好落石呀...

呢幅相,冇誇張,呢到係一個險位

左邊唔好得好多

見唔見到佢地一左一右

上層回望,一D都唔覺險

上到一層樹帶平緩位,我仲爭扎緊

但班友又一慣作風,冇理我係險崖開餐...> <

睇風景,只係一個樹林

嘆完餐走人

壁途未完,非必要既攝罅

呢個位仲衰,陏都陏唔到

就係呢個時候,向左橫移出隱脊

望去幾乎直崖既左壁,竟然有繩綁到

唔通呢到就係傳說中既螺旋壁,真係好兇狠
唔好理啦,沿隱脊繼續上先

所謂隱脊,其實係一條林中棧道

半爬帶攀,安全可靠

就算好直,都唔覺險

隱脊上段,接返似澗唔澗既地方

隱脊頂係一段放緩既既方,前路亂糟糟,
似乎周圍都係路,為咗繼續探壁

決定右移石堆上攀,前面係咁落石

到最後兩個爬既時候,塊壁已經體無完膚

閃出外脊,鬆泥斷草,還好有小樹支撐

無晒路,又在左移入返似澗非澗既地方

上到樹帶頂位,原來就係彌天棧道

係彌天棧道行黎行去睇下景搵下路

最後又諗住繼續探壁而上

爬得兩爬,又係絕路,局住回頭

結果都係要左移,返返谷位沿澗繼續上

陡澗坑道,依然爬到顛

好直,不過都有足夠位可以爬

不斷咁爬,上段都好精彩

回望澗谷,唔野少

點知,越上難度就越高,中間一個絕峽

又再分兵兩邊上,各有各難

到峽頂再入澗位,此時最好棄澗入右林,但佢地...

極度惡攀既後段澗位,終於完成,最後都係入林

穿完入就再接極斜草脊

臨到馬鞍,回望上黎既地方,冇野睇

終於上到馬鞍,完成東馬肚第一次之旅

上到馬鞍己經黃昏,都唔知典解行得咁慢

冇時間,唯有沿吊手岩,大路返落燒烤場

天都黑埋,仲爬石咀,呢條友丫

夜景都有得睇...唉...

回首頁



石澗尋幽
1