玩完曹公潭，黎到呢條廢橋，肥Pe走先，我地繼續白石橋之旅
石澗仍然闊落，前行冇耐，有舊北極熊石
因為澗道較平緩，所以不時比D大潭阻路
繞過一個，又一個峽潭阻路，要橫攀渡潭
其他人都係繞山路好D，過咗潭峽，又一闊落景觀
轉兩轉，又一大潭阻路，不過呢個可以係右邊過
過咗大潭，又係開揚景觀，真係唔錯
原來前面就已經係第一條引水道，下花山段
呢段引水道好多人行，白石橋坑亦可以係到入澗
同埋呢段好闊好大，左邊仲有條下花坑
開頭真係好大條，澗景都唔錯
跟住就見左右分源，左邊呢條係上花坑
右邊呢條就係白石橋坑
一轉入白石橋坑，有個小瀑小潭
可惜闊道驟然收窄，尚有幾道小瀑可賞
又有樹林，冇先前咁開揚，仲越行越細
好在流水都唔錯，唔係都幾悶
悶道一段，好快去到第二條引水道，白石橋坑既第三段
第三段算係白石橋坑既精華段，不過標叔趕時間走先
開頭就真係垃垃圾圾，又蛛網，又泥沼...
不過走咗一段之後就開始有D景睇下
而且闊道又比第三段闊返D，大石小瀑
不過樹林就密D，係林澗中穿梭
一路都有小流小瀑，好在石多好行
呢個係其中一個林坑中較高既瀑
比起第二段真係闊大好多
第三段陡起，前面就有一塊壁玩下
真係玩下，冇乜難度，不過上壁之後就精彩啦
因為進入連環瀑區，眼前一瀑又一瀑出現
連環瀑既第二瀑最靚，可以話係主瀑，下面仲有深寒潭
呢個瀑真係唔錯，如果天氣熱，有排玩
不過天氣凍都唔理啦，要玩水...^^
第三瀑，係一闊大黑壁，仲有條爛水管
第四瀑比較細，不過都唔錯
第五瀑，又係精彩野，黝黑既石壁，高直既大瀑
又濕又滑，真係只可以係下面玩下，左邊攀壁上
呢個算係第六瀑，精彩後較為平凡
平凡有平凡好，可以直接攀玩麻...^^
之後又回復大石小瀑既闊途
一路都有小瀑小流，都算唔錯
去到上源左右分途，就有山路中間橫過可以離澗
向上花山方向走人，呢到既山頭好容最迷路
所以最好利用電塔黎做確認
好...落山...^^
落山有大路，中間經過呢個"報德亭"，落山途中又發現上花坑好大水聲，結果臨走都去行一行上花坑既華段...^^
回首頁
回攀澗篇