越野雄心-- 老虎左坑5 行程
老虎坑,屯門藍地水塘的一條平緩大澗,其左右均為九徑北延之山脊,又以左邊支源多條,由於脊陡澗直而又少林,望之尤覺可探,且各有特色,今次所行的,由主源向外數為第五澗。 20/11/05(半天)

有次係屯門徑閒遊,望見老虎坑對面山脊有幾條澗可玩,今次行既就係阿成指住果條,由主源向外數,係第五條左坑,此坑又再分左右,其實之前都行過虎左第二澗

今次上去,先玩右壁,後落左坑

係富泰邨食完個lunch,行去藍地水塘

先沿水塘邊既虎峽谷徑上

去到行者池先落老虎坑向上行,呢條坑行過好多次,又靚又好行又大水

幾條左澗,第五澗最好認就係電塔前少少

因為都係一D支源,澗貌一定唔多正

不過呢條都錯,入澗就有少潭少壁

好快就左右分源,右壁太正,決定先上右邊支源再上壁

呢塊大岩石,就係隔開左右支源既位置

阿成回望,見到右支同老虎坑谷

跟住就梗係探爬右壁,慢慢研究

過咗中間棧道,發覺上壁有好多正手腳位,上

結果,又有一塊好玩既壁出土...^^

上到頂位,回望阿成既位置,嘩...好高呀

上右壁首先要上棧道,其實淨上棧道唔正攀都得

不過夠手腳位,阿成就梗唔放過啦

只要企穩,單手都都仲可以

上到頂位,欣賞風景,望見對面右澗又大又開揚

呢個位真係好舒服,風景都唔錯,下面老虎坑谷

欣賞完風景,上埋尾段壁位

呢到就真係壁頂最高位置

玩完右壁,要橫移草叢入返右支源,不過都係跟壁走好D

因為條坑源太細,好多草,有石爬下會開心D

上到某個位置,發現原來橫山有條山腰路,有帶添

太好啦,輕輕鬆鬆行返去左支源,落坑

呢條左支都幾開揚,不過好陡好直

又望過去老虎右坑,決定過去

澗坑直窄高削,要慢慢一層一層落,又有小水潭

一個直壁崖位,望都幾精彩...

呢條澗都真係唔錯,如果玩上澗,都幾多野爬下

睇下,一壁又一壁,一層又一層

呢個係全澗最高既一個壁瀑位,真要小心落

落到底又要小心橫移,精彩精彩...^^

最後回到左右支源位,再返返落老虎坑,行前少少,一於上埋老虎右坑

回首頁



石澗總覽