相集
要去紅石門，先到烏蛟騰起步
沿苗三古道行到呢個路牌，就要接入難行小徑上山
前排呢一帶又經過火海既洗禮
經過 黃竹涌，以前行過呢條澗，唔錯"
繼續小徑走去，話時話唔識行呢條路好易迷路
小路落黃竹涌口好靚海灣，又番上山邊過牛角涌
牛角涌又係一個好靚好寧靜既海灣，第三次到呢到，依然係咁靚
跟住又上番山，冬天香港既樹木都有紅色
繞過一個山頭就會到紅石門村，一個人工大水湖
昔日紅石門村好難到，而家條路開到通晒，沿住呢個大水湖邊行，又靚又舒服
呢個湖真係好大，半山上面重有個水塘，冇乜呢度既歷史，唔知以前係咪好繁榮
到咗紅石門海邊喇，真係名副其實，對面往灣洲
紅石門對住黃竹角海，海面平靜，風景美麗
除咗紅石門村個大水湖，重有呢個堤圍，東北好多呢D人工基圍海堤
呢條海堤風景好靚，行過對岸就可以開始綑邊之旅，不過黎到呢度已經肚餓，開餐先
一過海堤，發現一條大頭紅蛇，捉住佢...
有D係深紅，有D係鮮紅
如果留心D，就發現紅石中既花崗晶石...
有水晶呀，呢度真係一處研石既寶地
兩個盜水晶賊，被發現立刻施展輕功逃走...^^
話肚餓，結果又攪一輪先有得食
如果對石質研究，呢度真係唔錯
紅石大平台，開始紅石海岸綑邊之旅
呢邊條海岸線其實好好行，冇乜高崖大隙，但就路線太長
紅色既石
綠色既水
就算係紅石，都有好多種形態，呢種就似羽毛
冇耐，去到烏洲塘，平靜既海灣
天朗氣清，紅綠相對，對住個往灣洲慢慢行
赤色平台，呢個新名字係係"梁榮享"本新書度見到
侵蝕既紅石又有好多種，呢種好似宮奇駿漫畫既石屋
赤色平台既紅岩海岸，比起紅石門既石已經較為鮮色
偶然先有D大塊岩石
其中一個險位，唔想濕就要倒攀...^^
紅石不斷都有，呢個地方實在值得一遊
係度扮侵蝕既紅石石角
呢度係全海岸最斜既紅岩斜坡，雖然斜但有好手腳位行，絕對冇難度
眼前出現呢區好少有既石景...^^
又另一個險位，其實一跳就可以過...^^
火焰形態既紅石，真係好型
又係度扮侵蝕既紅石石角
怪手沙礫岩開始出現，顯示快到黃竹角咀
呢度全部都係礫岩，唔係紅石
但紅石未完，夾雜住礫岩一齊既石咀
終於黎到全海岸最紅火紅海岸
真係唔知真定假，火紅色既岸真係冇講錯，雖然唔係好闊，但就絕對最火紅，絕冇人工色素
火紅海岸全景，對面往灣剛好有個白石海岸
過咗火紅海岸，山腰上面有一舊石咀
擒上去，可以欣賞好靚既黃竹角海
前面就係黃竹角咀，今次綑邊既目的地
黃竹角咀既東南岸完全係第二個景象，一個大石峽
強勁既侵蝕，岩石有一個個岩堀
巨大既海蝕罅，好深好深
時值天黑，只可以係到玩玩
平靜既黃竹角海既日落，好靚...
果邊日落，呢邊月出，身處黃竹角咀天涯海角，梗係CALL船走人啦，下次就綑黃竹角咀南岸
回首頁
山海探奇