崇山石澗，自然要入崇山新村起步，元朗坐73號專線
因為石澗下源好萌，要先上一個小崗繞道
小崗山腰有水管路橫移入澗，一入澗就係瀑頂
瀑頂下面就係石澗峽道，要落去都幾難
今朝落過一場大雨，令到澗水非常勁呀
呢個就係崇山飛瀑，加上大水好有氣勢
瀑頂流水都好有氣勢
再上少少有一個小瀑小潭
崇山石澗澗道平緩，偶然有呢D流瀑小潭可以玩下
石澗開揚好行，就算濕都唔會滑
一如青山水系，石坡沙澗
無風無險，有瀑有潭
真係一條好平既石澗
涉水玩就最好
呢一段都幾闊落
又有小潭小瀑玩
中途兩舊大石，全澗最大既石頭
跟住發現陡直既左沿，眼見上面流瀑直瀉，好精彩
欣賞完一輪，都係先行晒主源先，下次再探遊
不過過咗左源之後，條澗就收得好窄，難行
變成小坑峽，小坑又分左右，左為主源
去到電線塔前有山路離澗，再去冇野睇
離澗上山，回望澗谷都唔錯
上四排石山既山路好清楚，但地圖冇顯示
上到四排石山，望見大帽群山既層巒，靚
黎一張山邊小石剪影
四排石過井坑山，係屬於大欖郊遊徑段，左邊就係崇山新村，右邊係大欖隧道收費站
今日個天，雨過天清
目的地係西鐵錦上路站，有條梯通落去
回首頁
回攀澗篇