越野雄心--南蛇尖
相集 越野雄心 -- 南蛇南北脊 行程
南蛇尖(高468m),無需多介紹,每次走到東海都會被這個山吸引,但至今山路仍未有修葺,越來越崎嶇難走了;另北脊為險坡,從北脊上頂,極具挑戰。 18/12/04

今次我地由高流灣出發,先係馬料水 坐船去高流灣,坐咗個幾鐘頭船...

高流灣都係一條漁村,沿海邊水泥路可以去到旦家灣,灣內有一間"靈愛福音戒毒中心",環境好寧靜

旦家灣橋前有小路上山,穿過樹林上到山坳,就可以望見一大個卵石灘,呢到叫長灣

沿山腰有一條水管路可以行去南蛇灣蛇坳,以前呢條路非常惡劣,而家就好行好多,不都有D位幾崎嶇
去到南蛇灣,我地就A,B分team,B-team唔落南蛇灣,繼續直去上南蛇坳,A-team就落南蛇灣,覓路上北脊。
左邊係B-team南脊
繼續沿水管路直去,過咗南蛇坑就開始上山
右邊係A-team北脊
呢邊北脊條路就比較曲折離奇,單係落南蛇灣條路都已經唔太明顯,小心唔好行錯,至於上北脊就有好多地方,但全部冇正式既路,如果唔想剷林,可以係上南蛇坳既路跟絲帶左入上山

B-team上南蛇坳既路又因水渠工程開得好闊,途中可以望見南蛇尖南脊同北脊既分別,可惜今日天氣唔夠清

A-team北脊既路好唔清楚,只係沿山脊上行

B-team要上一大段大斜路加碎石先可以上到南蛇坳

A-team好辛苦先行到上脊頂,脊頂上面有D石頭可以賞玩,而且可以一直欣賞南蛇灣既美景

B-team上到南蛇坳,點都要休息下

A-team就精彩啦,係北脊上面有舊似風火台既石

係南蛇坳回望南蛇灣個山谷

相返角度睇石台,呢個山頭真係又靚又精彩

B-team開始上南脊大路,但都好斜同崎嶇

A-team已經接近北脊最險最陡一段路

南脊雖然係大路,但都非常崎嶇

北脊其中一個山頭,山脊真係好斜,但係石景就好精彩

回望南蛇坳上黎既山路,上完一層又一層

北脊呢邊就已經開始最直險既一段,
係呢度北脊又再分兩線,左行可以入林比較安全,
直上就係攀崖險線

南脊一個山頭又一個山頭,又高又斜

北脊已經冇路,而係石脊險崖

南脊最陡一段,都要手腳並用,睇落都險

北脊石崖上唔到就要攝石罅上

B-team雖然辛苦,但已經上到好高,可以遠望大灣同鹹田,可惜都係天氣唔好

A-team就身處危崖,係到爭扎上攀

B-team已經可以緩步向山頂進發

北脊呢邊就只係上咗第一層石台,爬下抖下,欣賞下精彩既環境

B-team已經到咗山頂,可以四周欣賞風景,南蛇尖為西頁最高,東南西北風景都非常靚,可惜都係天氣唔好

A-team繼續上第二層石崖,Kelvin上到好高

B-team得閒冇野做,一於係山頭邊玩下攀石

呢邊北脊上到第二層頂,下臨無底絕壁

B-team係山頂開餐,竟然有隻牛走到山頂訓覺

A-team重係到努力,上到第三層石崖頂喇

B-team繼續食野,傾計,無聊,玩牛,睇風景...

呢邊北脊,Kelvin已經上咗頂,但有D好景就影唔到佢

好靚既千溪海岸...

北脊最後一層喇,上啦阿源...

呢個位置,就係一般人會係山頂走過黎望南蛇灣既石台...

到頂喇...阿源開心到飛躍落山...

由於B-team等得太久,已經由東脊落山向米粉頂行去...

不過東脊既山路都非常難行...

落到山坳,回望南蛇山頂,而阿Bill同Sally就在此分別...

米粉頂前有山路橫移,唔使上頂,不過好斜架

米粉頂落山,目標係大浪東灣

呢到望去短咀同沉船灣方向,風景好靚

東灣山其實係一個險峰,沿山脊落山,有幾舊石景可玩

呢舊石成舊牛屎咁,就叫牛屎石啦...

目標在望,東灣...

東灣係一個好好既camp site,最好就係有呢條東灣坑

離開東灣,就見有人入東灣露營

繼續沿山邊小路行去大灣,呢條海岸線好靚

到大灣喇,阿源行到打晒"咸路"...

到大浪村飲杯野,沿麥徑走人,到大浪坳經日落黃昏,好靚

回首頁


回主頁
1