今日先上乾良，良景邨後面入
乾良下源，一條大水渠
第一瀑，細細小小，唔會係到玩
乾良壁，四方形率先係左線上
跟住阿成係中線上，應該係最難既位，澗水係右邊流
其實最安全係係壁左繞山路上，之後既口坡澗道
睇好似好難，其實好多位可以行上
回望石澗同田景邨
到乾良主瀑，瀑水凌空，可以沖涼...^^
消完暑，右繞上瀑頂
上源一個古壩
上源冇野好睇，可以行坑左既山路上山
上到山坳，直落就係乾下石澗喇
有明顯山路可行，途中發現一隻大旦，花崗晶石
落到谷底，有個人工花園，真係可以係到住
繼續沿坑邊小路落，遇到第一舊大石
穿過一段密林，石澗闊D，有潭啦
之後夠闊，可以一路落澗都冇問題
天氣太熱，一有小瀑小潭都唔放過
石澗越黎越闊，開揚易走
其中一個瀑壁位，夠陰涼，係到修練應該唔錯
一條好闊既石坡坑流，有青大feel
坑對落就係水潭，幾大都玩水
又有中瀑可以玩，真係幾熱都唔怕
條澗都幾多大石
一條坑峽瀑，有D似乾白斜縫瀑，不過細D
細都一樣好玩，上下各有水池乙個
跟住又有一舊花崗奇岩係條坑上面
石下面有個水潭，可以過人
不過啱啱好一個人頭夠過
一路石坑流水，一路係到玩水
中段一個澗峽，下面一個峽形深潭
一個長峽深潭，有成2m幾深，正呀...^^
呢個深潭最好玩，可以係潭右繞過
跟住就係另一個潭，今次要係潭左走斜壁
呢個潭都唔錯，仲有沙灘你玩
一路都有中小流瀑
去到下源，呢個位就係左右分源，左源細D
下源巨石多，澗道平緩
一個人工水堤，繼續消暑
水夠乾淨，玩夠先走人
原本想上埋左源，太熱放棄
下源車路離澗位，有個三窿水道，幾得意
走入去玩，仲得意...^^
上返車路離澗，去下白泥搭專線出元朗
回首頁
回攀澗篇