我地係赤柱出發，行經美國會所時有兩棵大榕樹玩
去到浪琴園，可以輕鬆直接入澗
入澗前，發現地上面有一大堆唔知乜蟲，好靚
初段係平坑一條，輕鬆易行
一個左轉，前面就出現一個大石壁瀑，又闊又靚，不過石壁左邊搭晒鐵架，好似過山車咁
壁瀑分三層，又夠水量，呢個係第二層瀑
石壁兩邊都可以上，多手腳位唔難爬
回望下面壁澗，個鐵架仲加似過山車
第三層係大斜壁，上面就係維修緊既引水道
就係因為引水道維修中，上源既水用管引番落下源，所以下壁都有好靚既流瀑...^^，平時D水應該落晒引水道
今日國慶都仲有人開工，穿過地盆時，D地盆佬
係度阿之阿左，好鬼煩
引水道入澗之後係一段狹細平澗，都尚算開揚好行，好快就到第一個壁瀑，老虎坑編號係11號
港島既澗，不時都會有D好靚既水草
之後去到一個比較大既分源，右邊係主源
一轉入主源，澗途闊邁開朗，好靚
一路都有石壁流瀑，呢個仲好似滑梯咁滑
滑都照玩照爬...(我跣落去呀...^^)
呢到係全澗最闊落既壁澗位置，真係又靚又好玩
回望成條石坡澗道，又開揚又有潭瀑，好舒服
瀑頂一個長潭，細細地都可以游下水
繼續行，又轉番狹澗，仲係壁峽之內
右邊幅壁，越睇越睇心動，仲有舊懸空石
結果都係忍唔住要爬，四方形係唔想濕腳而橫爬...> <
利用直角石隙，好辛苦咁典上去...> <
終於上到石頂喇...真係攞黎衰...> <
進入壁後，原來一條高瀑埋藏係後面
其他人已經咗上頂，玩閘水
呢個潭多石唔深，玩閘水就精彩
玩完一輪，係左邊爬上去，呢個瀑真係唔錯
尾段要橫移過瀑頂比較易爬
上到瀑頂，回望呢個深峽高瀑
瀑頂又接一個峽潭，又可以玩水
澗道又收窄一段，去到最後一個闊壁位
大休一陣，澗道真係收窄，又見水中青草
之後仲要入林，不過好似隧道咁闊
去到上源既左右分源，邊都有人行，我地行右
都係林蔭坑道，其中一個壁位
之後又見有右邊支源石坑一條，唔抄林行呢條
一路係咁上，一路都有路可跟
穿梭林中，又走到一塊石壁，繼續上
最後就剷到上長連山西南既山頭，之後落番山坳，繼續落孖崗4號澗
回首頁
回攀澗篇