相集
去馬西可以直接由西貢市中心行至龍尾村入澗
此段澗途雖闊，但冇野好睇，唯有睇阿威玩盪繩
沿澗上行會去到一個水壩位，水壩以上澗道收窄
過水壩冇耐，就會見到由隔坑墩來的一條車路，要捐過去
車路以後，又係一大段沉悶既林蔭之途，小有水潭
呢個已經係此段路最大既潭，阿威同阿佳即刻玩水
沉悶過後又再見有車路橫越，呢條係通往黃竹洋既舊軍車路，其實遊此澗建議最好由呢度入澗，因為精彩既地都係係呢段先開始
由呢度開始先有稍斜既流域
開始有D小流瀑小水潭，但澗仍唔算闊
呢度係其中一個小瀑，阿威係度玩自拍，結果係跑黎跑去
小瀑對上有一個深潭，但面積就...
再向上行，終於有個人工水潭可以玩下水
澗道開始上陡，流水可以成瀑喇...
呢個位置就係左右原既匯合位置，左源係一幅高瀑壁，右邊係主源，稍向前行就會有靚瀑出現
終於黎到全澗最靚最大既流瀑--中字瀑，瀑下只有小潭一個，瀑分三層，第一層頂就左折入山峽，見唔到亦攀唔到
勇猛既阿威試攀此瀑，結果被困...
右繞山路可通瀑頂，可以望見點解叫中字瀑
中間只係一個小水潭，此瀑都算有氣勢
係瀑頂望番落去，欣賞下風景啦，過此瀑後，澗源已差不多，尚有小潭小瀑，之後可以係右邊覓路上山接麥徑離澗
馬西石澗可在此完結，難度並不高，而我地落澗回到左源上溯，此段路途屬險線並且好辛苦
返到左源，一上就係高壁崖瀑，流水甚少
此瀑都未算難攀，只係中間有D位好難攪，此坑流係一個極陡斜既崖峽上，所以要不斷上攀
完成第一層瀑，要入樹林，但都要手腳並用
中間經過一段石河，前面出現絕壁
正路係右繞山壁而上，勇猛既阿威係絕壁正面橫移左邊，抄咗入樹林，挑戰石崖，見佢唔到；我地係壁頂等佢，呢張係下望石崖頂
又遇一幅絕壁，同之前一樣，阿威繼續單挑
如果係左邊繞路上，就較易上到壁頂
勇猛既阿威繼續挑戰絕壁，真係夠晒激攀呀...
終於上到一個可以休息既絕崖邊緣，呢個post有D似步驚雲
未休息完又要挑戰另一危崖位置，
呢個垂崖直壁，四方型一馬當先
平安上到崖頂，可以望見對面山頭既絕壁，又可以眺望西貢市，之後就要穿山抄林...好辛苦
幾咁辛苦先去到呢個大石台，風景唔錯，休息完就要"游200m高既蛙式"上山，上接麥徑離開
回首頁
回石澗主頁