越野雄心-- 黃棠-地龍-欖北 行程
黃棠石澗--上沿黃泥墩水塘流至大棠,由於被水塘黃泥的影響,澗水較為混濁,但澗中的流瀑卻甚值一遊。黃泥墩地龍--在黃泥墩水塘至大欖涌水塘中間一條畢直的輸水隧道,從入口可以看見出口的一點光。大欖涌水塘北坑--此源沒有名字,現以位置為其定名,簡稱"欖北坑",源道雖短但也不失幾道流瀑小潭,於下源麥理浩徑的瀑布深潭更為人所熟悉。
三線連遊,便成為大棠至大欖涌水塘的直線遊。
18/05/04(半天)

係元朗千色廣場附近有小巴同巴士坐去大棠,到總站落車,沿村路入楊家村,好快就會見到黃棠河谷

行到上山前既岔路右轉入谷,入澗都唔難,四周圍都田原景色,好似返咗大陸咁,河谷又秀麗

沿一道斜石河谷行到盡處,就有幾舊大石堆疊

呢段河谷真係好清幽,澗道又寬明,水質係唔靚,不過並唔係污染,行起上黎都好舒服

途中一個高壁峽位,係石澗水道旁邊,都幾有特色

再上瀑潭連綿,石水明朗,唔錯

又遇大潭,潭盡又有大石一舊,係度玩水都唔錯
(我地係用輕功跳過黎架...哈哈哈...)

澗道平緩,遇一古堤小壩,過呢個壩之後澗道收得好狹,要穿叢撥草,好煩既一段

不過辛苦完一輪,穿出叢林就出現一幅靚景,
呢個就係瀑分三層既黃棠瀑

黃棠瀑係石峽飛瀉,大水時當然會更壯觀,
不過而家都可以玩下水先

上到瀑頂,瀑潭相接,澗道成峽

過石峽之後係一幅石壁斜瀑,景色唔錯,係呢度澗分左右,沿左澗繼續又係一度樹叢澗道...煩

手上面飛黎一隻怪蟲,以為同上次係乾白果隻一樣,但原來係唔同

去到舊堤路,直去係黃泥墩壩底,要右上小澗道,水色截然不同

稍向前行,小澗就會比兩個小地龍阻道
你可以爬上引水道離澗

沿車路向黃泥墩行去,過堤壩繼續沿塘畔行,去到塘尾就會見黃泥墩流去大欖涌水塘既地龍口,右邊重有靚瀑一條

此地龍畢直相通,唔算好長,入口可以見到出口,不過只得一點光,都幾得意,入面重會有蝙蝠周圍飛。(我地行果時重好似見到果D野......講笑...)

出口左轉可以返回車路,直落係條大水梯

人工大水梯,流水一級一級,雖然人工但係都幾靚,沿水梯直落就係欖北坑

水梯盡處,就欖北坑既一個流瀑

沿瀑落,瀑承黃泥墩水塘既流水,都幾有氣勢

小瀑下面有一個水潭,算係此澗上最大既一個水潭,而水質比黃棠好小小

此澗雖短,但係都好開揚寬敞,又有流瀑

重有巨石高壁,流水淙淙

天黑喇,發現澗上面有一舊腳板石,不過得三隻腳趾
由於天黑,去到麥徑影唔到此澗最大既瀑同水潭,
之後沿麥徑行到掃管笏走人


回首頁



回主頁