原定既日期都係咁落住雨，放開心情，落雨景色都唔錯，呢度係北潭坳，去赤徑一段路，相信都冇乜人唔識
赤徑公厠行前少少就係北坑既下游，入澗之途有好多，但最好唔係呢度落澗
由坑邊荒廢梯田可以黎到呢度，北坑第三橋，係度落澗，但就要穿林涉水比蚊咬
由於連日都係密雲驟雨，今日更甚，水流濁，石濕滑，真係另有一番風味...^^
山邊既雲霞，令到景色十分秀美
走咗一大段平淡澗途，終於上接一瀑
水流好大，雖然天雨，但都唔影響玩水心情
阿源夠份量挑戰大水既瀑布，幾乎連企都企唔穩
瀑頂就係通往赤徑山路，精華遊可以直接係度落澗
左相暴雨前，呢張係暴雨後，我地回程時影，比較下
進入第二段，水仍然濁，石仍然滑，雨就越黎越大
平日都已經係一個阻道既水潭，今日就咁樣照樣行過
中途左面一條小坑都成為一條靚瀑
澗中水潭，潭水高漲，唔可以硬闖
黎到左右分源，左為正源，有急瀑流落深潭
瀑頂有人工水池，上面就係小巫峽；又玩勁水瀑
雨勢越落越大，水位上漲，水色更加濁，起程
依左邊石坡而上，石濕滑要小心
呢度就係小巫峽既出口，本來想從中行過，
但已經變成洪水水道
本來都難行既小巫峽，今日就更加唔可以行，
唯有行左壁通過
小巫峽，兩壁成狹窄小峽，濁水如一條白龍內飛
過小巫峽之後，澗道又再雙分，雨勢加上濁水，出現"雙龍出海"一景，氣勢強勁；右為正源，澗道悠長，濁水亦係此澗上源沖下
北坑至此，已可以離澗，登上左源瀑頂，即有小路通上山路返回赤徑
左源瀑布澎湃，但水較潔淨，同主源既黃泥水相比，形成黃白二龍會
返落山途中，見對面山既一流源，
出現一個極靚既飛瀑，有機會要去探一探
全溯北坑之旅
回首頁
回主頁