要入青蝶坑，最好就係係新屯門中心對面高爾夫球場旁邊既車路，直上散石灣新村，跟住你會見到路上寫上"嚴禁白撞...白撞必死"既字，夠膽可以唔使理佢照行入村上山
途中會經過一條公路既橋底
上到山脊，離開樹林區，就可以橫移入澗，千祈唔好行此坑源既下游，如果唔係你一定會後悔...~~
由此開始就係青蝶坑既壁坑
由於青蝶坑都係石壁，所以冇乜水潭
全坑一開始就係陡斜既坑澗，向上爬冇耐就己經見到青蝶坑既主瀑，但因為此坑冇水儲，流瀑都只係幾絲水
去到主瀑全壁，真係幾高既崖壁
呢度非大雨時節，都幾難有大水出現，壁崖雖高，但攀爬並唔太難
上走石壁之餘，記得回頭睇下風景，因為呢度可以望到蝴蝶邨、湖景邨、美樂、海翠花園...
上完主瀑壁位，接住就係係山腳都見到石崖澗峽位
左邊一幅石崖，比主壁更直更陡
小帥又一支箭咁爬咗上去要影相，話時話呢度影相又真係幾靚
過咗呢個雙壁峽，青碟坑上段已經冇野好行，我地就轉過右邊石崖上攀，因為右脊上面有一個石塔
右壁比坑澗石壁又更加斜，上攀唔易
一壁又一壁，真係唔簡單，再橫移呢一幅壁，就到石塔底
石塔係一條險脊之上，碎石堆疊，石位險薄
平安上齊啦，但唔可以行晒出去，危險，影番張靚相先
險脊上既險塔，但係睇風影就一流
離開石塔，向上一段路依然係一幅石壁
一直攀上至壁頂，終於可以安全地去慢慢欣賞下面既風光喇...(下面就係蝴蝶邨喇...)
上到脊頂，時間所限，沿青蝶南脊落番山，去到公路迴旋處可以去蝴蝶灣走人
回首頁
回主頁