去龍坑要經北潭村，可以係鯽魚湖行入去，亦可以係麥理浩夫人渡假村行入去
到咗北潭村唔好行錯榕北走廊，要經過"得生團契"先可以去到龍坑
龍坑下源平緩無奇，但溪水清澈
走咗一段平澗先到呢個壩位，"大陂頭陂No.8"
過小壩後既路程，依然係平澗一條，有排行
不過就可以唔使涉水，比較多石位
"此乃食水池...切勿在此游泳"
呢個小壩上面就係食水池，其實呢段路可以行山路都到，可以省去一平緩澗途
過食水池之後，澗容稍為有所改觀
差不多兩公里既平澗後，終於稍為上斜
跟住要注意澗道雙分，兩源大小相若，右邊係牛耳石坑，左邊先係龍坑，而且係入林
入林一段，澗道開始上陡，但澗道濕滑好難行，不過眼前開始有瀑出現啦
過小瀑之後，有大潭中瀑出現
之後沿路都有大潭同中瀑，今日又夠大水，唔錯
經過一輪林蔭澗道，突然一個轉角峽谷，
就係全澗最大既瀑布--"隱瀑"
呢個瀑90度角右轉入石峽之內，所以稱隱瀑，瀑布係石峽內飛瀉而下，好有氣勢
後瀑右沿壁攀上中層，周圍岩石好有特色
瀑底小潭之上，有一個天然既浴池，真得意
中層以上又有一個深不及底既水池，可以係度玩水，上承一個石峽飛瀑
呢個石峽瀑，水勢淜湃
上石峽瀑，可以係右邊小心上攀
瀑頂係全澗最大最深既水潭，而且重有一個靚瀑
過此段精彩澗途，可以係左邊攀崖上頂，覓路離澗上山
如果要繼續，澗途就無甚可觀，而且沿遠流長
因為天色已黑，我地係右支入澗，繼而抄路上接小徑經墇上返北潭坳
回首頁
回主頁