今日起點，白腊露營地點，已經可以望見白腊仔
係北潭涌坐的士過黎要五十幾蚊
入白腊仔條路已經密咗...唔易行
穿完林，踩完草，終於出到白腊仔石卵灘
海風輕吹，藍天碧海，好舒服...
今日天氣冇得彈，海水又清又靚
開始綑邊，先經一個石峽
左崖上面有一舊棺材石，阿成唔知做乜有張大班椅坐
白腊仔有兩個海灘，一個係石卵灘，一個係沙灘
過灘之前，遇到個小峽，難倒阿珊
清澈既海灘有人係到碧波盪漾，阿再就先行山路去白腊灣，我地就繼續綑邊，遊艇上面D人就係咁望住我地
遇到第一個海峽位，因為唔係泳綑...過唔到
阿成佢地繞上山，阿bill涉水，點知遇到第二峽
結果都係要上山，先攀上石崖，再上頂
上頂向海咀行去，第三個峽係一個超級大峽，好高
第四個峽蝕穿成洞，呢個就係木棉洞
沿山脊可以慢慢落洞，唔太難，西口可以入洞玩
木棉洞，洞裏面好淺水，但一出洞口就好深水，風係西口吹黎，浪係東口沖入，形成浪花
潮退...著住衫都唔怕濕
好在帶咗衫黎玩水，即刻玩穿洞，正呀...
西口可以行入洞，東口就懸崖削壁，好有氣勢
玩完木棉洞，上山可以望見石灘山咀
返落石灘繼續綑邊，可以回望成個木棉洞
繼續向白腊綑過去，無須濕水，經過小破邊
到咗白腊廢碼頭，可以話係白腊灣既代表地
白腊灣，好多遊艇停係到，陽光中既驟雨
白腊渡假山莊，曾經住過，唔錯，又可以補給
行返山，白腊有水泥小路去東丫，後面白虎山
半山水泥小路回望白腊灣，真係好靚，有D似浪茄，但感覺比浪茄更舒服
沙橋至東丫一個寧靜既海灣，寧靜既村，寧靜既海鮮檔
經過天后廟，過北丫途中，一間糧船灣公立學校
北丫灣一塊大草皮，有人用大營大露營
望番北丫既灣景，又係一個平靜既海灣，有條澗，似乎唔錯
過北丫，之後就要走山路經蛇灣山過大蛇灣
嘩...天色好靚
去到大蛇灣，有個涌口
呢到條村同酒家都荒廢咗...
繼續沿山邊小路走，回望大蛇灣又係好寧靜
去到淡水灣，就係淡水坑，極開揚既石澗
就係路邊有個靚潭，海邊風呂...浸
到淡水灣盡，又有條淡水左坑，都唔錯
去到企人石附近，望向馬鞍山，真係精神爽利
再黎一張精彩陽光照
又玩到太陽落山，係深篤坑直剷出麥徑走人
回首頁
回行山篇