九徑南脊有多條坑澗，較出名既有白石坑、金沙坑、九管右坑同埋呢條九管左坑，至於南脊就有好多唔同地區既石景，行完澗可以再探遊石景
呢度就係九管左既入口喇，麥徑M192
九管左坑係一條巨石河，一入澗就只係見到大石
你需要係大石上面跳黎跳去，擒上擒落
又或者可以係度捐窿捐罅，尋找地下水源既位置
有時間既話，可以係到玩埋捉迷藏都重可以
石頭就越行越大舊，舊舊都大過"馬大"既"英雄石"，大到只可以係下面望，想爬上去就好難...(唔單止巨石，重有好多響石，唔信你可以試下用個頭周圍敲下...^^)
(發現地下水源呀...)其實係一個人工儲水池
最精彩(我覺得)就係呢個位置，兩舊石一尖一平，就好似左右門神咁守係石河上面，似係由一塊石斷開，
又好似唔係，造型獨特，又好有氣勢，就叫佢做"門神巨石"啦(等我分身為大家介紹一下啦...)
"左門神"，黎到就梗係要研究一下啦
"右門神"，又削又尖好形呀
要通過"門神巨石"，非要由石下面爬過不可
再向前行，又遇巨石，不過今次可捐可跨
呢舊巨石就"和藹"D，至少可以上到石頂
(喂...好heigh呀...呢度...)
回望番"門神巨石"，兩石相分，穩守石河
(呢個係尖門神，果個係平門神...哈哈...)
係巨石之後，進入咗一條神秘通道
穿過神秘通道，放眼一望，依然係巨石河一條
終於都去到一段平凡溪段，黎到呢度澗分左右，原來九管左坑都分左右源，不過右邊先係正源
澗道向上更陡，巨石又繼續出現
就算係陡斜既上源，都大石堆疊，爬得好攰
最後階段，變成一條壁澗，要向上爬
上到澗頂，就會見到"毛主席"，可以離澗
右行可以到"石城"再到九管右坑，左行去九徑山頂，隨便選路落山，得半日時間，巨石又精彩，行到天黑，呢幅係屯門夜景
(山火呀...)其實係乜野，等大家諗下啦
落山既山脊重有好多精彩既石景，可惜天黑玩唔倒
回首頁
回首頁