越野雄心-- 睇魚岩頂 行程
睇魚岩頂,位於西灣山旁,西貢三尖之一,其實不尖,而是薄,山頂削似刀鋒,山路尚算明顯,由於麥徑只經西灣山,此山頭較少人到;遊此地通常連遊罾棚角咀 17/07/03

去睇魚岩頂可由西灣亭或東壩起步,如果由西灣亭上山,可以欣賞蚺蛇尖大浪四灣靚靚風光

呢條麥理浩徑,留低唔少人既血汗,我地都係

上吹筒坳去西灣山,你地會見到呢舊"蠄蟝石"

碧藍色既萬宜水庫,又係西貢景色一絕

大熱天時去行山,我地由罐頭哥哥示範消暑時裝

上到西灣山,可以眺望大浪西灣,重清楚見到雙鹿石澗既入口,同四疊潭

西灣山頂高314m,最近新建佐一個涼亭,o岩o岩好遮遮太陽,欣賞靚風景

西灣山頂東望,最高果個山就係睇魚岩頂,高220幾m,
呢個角度一D都唔尖

向北望由左至右就係蚺蛇尖、米粉頂、東灣山同長咀、前面係大浪三灣、大洲同尖洲

落西灣山覓路左轉,有路去睇魚岩頂

途中見到浪茄仔,少人到,滿灘垃圾(我想落去游水呀!)

太陽勁曬,好在都有陣陣強風(真係好大風呀...)

走到山頭之下,人都顯得細細粒,
上頂呢段路地圖冇顯示,不過山路都算明顯

上頂途中都可以欣賞罾棚角咀

到頂啦!(我形唔形呀...)

山頂兩邊勁削,生滿野花,冇乜地方可坐

沿山脊落山,唔駛行回頭路,不過山路崎嶇,小心
(好斜呀!呢度...)

由此可以經長岩灣上長岩頂,離開或繼續罾棚角之旅
(好靚呀!呢度...)

落到長岩坑,除可補給食水外,你睇!背山面海
既水池呀...(爽呀,哈哈...)

浸完水,繼續上路,呢條長岩坑都有D睇頭
(喂!你使唔使走得咁快...)

呢到就係長岩灣,水清石大(我真係好想跳落去呀...)
可以繼續去罾棚角之旅


回首頁



回主頁
1