仲未得閒汁相.POST下今次個行程先.
由於出發前都未搵到包車.所以我地去到烏魯木齊先搵.
我地CALL左好多網上介紹的司機,全部唔得閒.有D師父一年前已經俾人BOOK左.
只有一位師父係13-18/9 佢得閒.佢19號有班台灣客.

咁約左司機係晚上傾行程.我地就講晒我地的行程.但因為司機只有6日俾我地.
所以行程唔同晒.
12/9 : 深圳 - 烏魯木齊 (住五一路大通賓館,搵車)
13/9 : 烏市 - 賽里木湖 (500km路,都幾靚,湖後面就係雪山.好凍,住蒙古包)
14/9 : 賽里木湖 - 伊寧 (因為修路,錯過左出名的果子溝,睇伊犁河日落)
15/9 : 伊寧 - 那拉提大草原 (有瑞士FEEL的大草原)
16/9 : 那拉提大草原 - 巴音布魯克大草原 (巨大的草原,睇天鵝湖同9曲18灣)
17/9 : 巴音布魯克大草原 - 吐魯番 (坐左一日車,楊師父請我地食晚飯.好味)
18/9 : 吐魯番 - 烏市 (交河古城,坎兒井,火焰山(係外圍睇),葡萄溝(冇入)去左農民度玩摘提子)

司機叫楊清師父.7人車.我地4個人坐得好豬服.
師父好好人.幫我地搵住宿.俾好多意見我地.正
價錢$1000人仔一日全包.

係9曲18灣度好有緣咁遇到一行3人的深圳女遊客.其中一個識講廣東話.掂.
我就咁同佢傾下計.問佢地去左邊度玩.原來佢地玩的同我地一樣.個日係佢地最後一站.
咁我就請佢地幫手問下佢地個司機得唔得閒.
唉,又係唔得閒.呀曹小姐就俾左佢地搵包車的電話俾我地.

楊師父有幫我地搵左佢個朋友.
都係1000人仔一日.但係貨VAN.唔用車都要收足1000一日.
我地覺得唔掂,無用到.

番到烏市CALL曹小姐介紹的.
夜晚同個位劉師父(唔知有無記錯)傾黎緊的行程.今次我地包左架豪華風田4驅車.
淨車:800人仔一日.唔包油,路,司機食宿),唔用車就600人仔.
我地都唔知個司機得唔得.不過我地咁遲搵都無計啦.
好啦.出發個日點知同尋晚見個個師父唔同左.佢話原本個個唔得閒,佢係頂更的.
叫姓馬,我地叫佢小馬哥.呀小馬哥係第一次去北疆.唔識路.OH.....NO...
佢其實都唔想接的,因為佢要同佢老婆同個一歲大的女過中秋.
因為咁我地去唔到5彩城.
要介紹下呢位小馬哥.佢出奇地好好人,好關心我地.周圍幫我地搵住宿,搵野食,搵馬.
仲幫我地講價.一流的好人.
騎馬個時佢叫馬夫要好好睇住我地.去到時CALL佢報平安.

我地去到布爾津搵小白羊拎資料.點知個小白羊老闆態度好差.
話我地去唔到邊度,又話個度唔得.又唔理我地,講D唔講D.
講講下又做自己野.佢自己係度食野.好差.完全唔係網上講到咁好.
所以我地自己重組行程.

19/9 : 烏市 - 5彩灣(SKIP左) - 布爾津 (行左6XX公里路,行夜市)
20/9 : 布爾津 - 白哈巴村 (港澳同胞要去白哈巴村一定要去哈巴河縣城搞邊防証,台灣人唔可以去.)因為行錯路,體驗到咩叫越野車.好好玩)
21/9 : 白哈巴村 - 哈納斯 (民宿老闆帶我地去,行左一段好正的越野路,真係超正.歡姐話正過瑞士.好天然風景,架車行埋澗,正到暈)
22/9 : 哈納斯 - 黑湖 (我地搵馬搵左好耐,最後都搵到.騎馬好好玩,不過好痛><,住蒙古包的時候遇到一班好差的大陸後生仔)
23/9 : 黑湖 - 禾木 (全程最靚路段,超靚)
24/9 : 禾木 - 布爾津 (行夜市,買野)
25/9 : 布爾津 - 烏市 (買手信,飲BEER)
26/9 : 返香港 (睇到全程最靚的日出)


成個行程最令我驚喜的係小馬哥.出奇地咁好人.
幫我地唔小.下次去新疆時一定要請小馬哥食飯.

今次行程無去到可可托海,因為聽曹小姐話唔係咁靚.(但係禾木遇到一對香港大學生話幾靚)
所以SKIP左可可托海.但又玩左一個之前無諗住去的吐魯番.

[ 本帖最後由 留長 於 2014-9-23 11:41 編輯 ]

16年(大概)既願望...終於完成...行程都算順利...好好玩好開心...
其實真係想一大班人一齊去玩架...

不過新彊就冇以前我睇相既味道了...有D失望...
一來現代人欠了好多民族特色...
二來黃葉來得遲...紅葉直頭有...好失色...

不過旅程真係好開心好好笑...+埋識咗兩位好師傅...真係冇得彈...
出席人物...
我地今次既老闆...歡姐...全程使佢食佢既...好開心...

財務大臣...angela...

行程策劃...真係唔識講普通話既kelvin...

最後錢銀support既...留長...


上半程...好好既楊師傅...

下半程...又係好好既小馬哥...


[ 本帖最後由 留長 於 2010-9-27 18:27 編輯 ]

天氣真係太正喇...

新疆無自己預期咁靚.因為地球變暖左.所以d樹未紅晒,黃晒.
但如果要係10月去會好貴同好凍.
d民俗風情無晒.商業化晒.d人又係好市儈.真係越遲去越唔好.
d車路整得好好,係唔駛用4駒車都得.
大陸d門票越黎越貴,年年加價.迫你搭佢地的區間車.好多景點唔受國外學生証.

今次第一次見歡姐,我地個老闆.食佢使佢的.佢個人好搞笑..哈哈.講價好勁.
好好玩.雖然無預期咁靚.但有d地方真係好正.都值得去.
去新疆,真係感受到咩叫做"大"
熱的天氣,凍的天然.巨大的草原.巨大的荒漠.


返行程最後一日時係機場見到全程最靚的日出.



[ 本帖最後由 kelvin 於 2010-9-28 00:01 編輯 ]

今次旅程支出都幾貴...約$12000...但冇計...大部份係交通費用...

機票$4164
包車頭6日人仔6000+尾7日5200+油費2200+路費約200=13600/4人=3400/人=$3910

嘩...淨交通用咗$8074
食宿門票就大概$4000
如果多一個人...就可以平好多...


今次行程最靚係黑湖過禾木一段山谷...
禾木係北彊最靚既地方...所以亦係最多人...

景點收費愈來愈貴...景區唔比車入...迫你坐區間車又再收多一次錢...
以那拉提為例...入場收75...區間車收50...死未...

[ 本帖最後由 留長 於 2010-9-28 17:46 編輯 ]

真係金.

嘩........12K........真係要諗諗啦! 要夾多幾條友咁就真係抵啦, 6個應該最好!
D景點, 係全世界最貴, 貴过我去美国玩!

不過都了解左你16年來既心願啦,

係啦.我諗住會好多人去tim.

6個人...我可以慳1200...

10月尾去...機票係2千幾...你地考慮下...小馬哥既車可以平好多...

嘩...好貴呀....

係貴咗D...不過再遲去就更失色...其實計返平均每日$800...都算係咁啦...

day 1
堔圳-蘭州機場-烏魯木齊...機場問口有機場巴士(另有51路公車...問下人步行3-400米係公車總站)...
到長江路落車...行到五一路搵到大通賓館...人仔90...即住...
街邊好多哈蜜瓜...買咗一隻...結果食唔晒...><




安頓後即刻call 車...
新彊8:30先日落...先行咗去大巴扎(新彊既民族市場...)

再返五一路...有條星光夜市行下...

干果又係新彊特色...買咗兩公斤提子干...一公斤果仁上路食...

仲有新彊人必食既烤餅...佢地叫做饢(狠)...新鮮出爐既好香口好好味...正



烤全羊...太貴...又冇興趣...所以冇試...

係夜市食左幾10串羊肉.因為落雨.食得趕.
係呢個時候俾一個買無花果個個人屈左我地買左4個.真係差勁.
又俾公安趕我地走.
新疆名菜-大盤雞.好味.正

約好揚CF...第二朝8:30出發...

[ 本帖最後由 留長 於 2010-9-29 19:12 編輯 ]

day 2...
由於揚師傅只有6日時間比我地...所以行程改先玩中部...天山山脈...
由烏魯齊出發...走500km路去塞里木湖...680m上到2070m...

訓下醒下去下廁所...8小時後...見到海鷗...

無敵山景...

彩虹...

呢到就係...塞里木湖...

正正正正正正爽爽爽爽爽爽

葡萄(綠的, 紫的, 大粒的, 小粒的, 圓的, 長的, 種類繁多, 每種都有自己的名字), 哈密瓜 , 蘋果, 杏, 梨, 石榴 .... 好多品種, 新疆的生果按公斤計價, 8-9月出產. 廳說市民一次都習慣買好多個西瓜, 哈密瓜放家裡, 不用放雪櫃也不會壞.
馕, 可以放好多天不變質, 游牧靠它飽肚.
烤羊肉好好吃, 羊蹄好吃, 還有烤羊內臟.
伴面好吃, 奶茶好喝(是咸的)
氣候非常乾燥, 晚上洗的衣服, 放洗手間第二天就干了,很深印象, 8月時.

勾起了新疆的回憶.

好想再去新疆.
好多地方都沒去, 10幾年前只是在烏魯木齊周圍玩玩而已, 參加好多個一日游, 早出晚歸, 那時唔識玩, 跟個更唔識玩的人同行, 沒做功課就出門了, 只知道天池,  天山, 吐魯蕃, 葡萄溝, 哈密瓜, 達板城, 坎爾井, 那裡產石油, 有沙漠, 盆地.  那時好傻 . 去了, 才知道還有那麼多好地方, 但不夠時間了, 想買到伊利的機票早賣光了, 想去其他地方, 都好遠好遠, 來不及.
這麼多年, 一直想再去, 一直都沒去.

等著看更多相片, 神游一番.

[ 本帖最後由 Alice 於 2010-10-1 01:47 編輯 ]