2014/10/1 day 5
朝早食完早餐,再由Amphibi-ko轉場到KokosNuss. 講真Amphibi-Ko Resort真係幾好住.
阿長腸胃出事,面都青埋,Gigi陪佢睇醫生. 今日佢兩個唔出海了,幸好JY tour的老闆好好人,好有人情味,佢好體諒我地的情況,話可以退錢.太好人了!
今日玩tour D (Pass Island + Lusong Gunboat + Lusong Coral Garden + East Tangat Wreck) (php 1200/pax). East Tangat Wreck故明思義就係玩沉船. 我地浮潛係無乜野玩既! 第二及第三個點勁靚! 尤其係第三個point,上面有個靚沙灘,以為無乜野玩,但原來水底勁精彩!!! 靚到爆炸! D貝殼勁大隻,眼見最細都大過我個頭,最大就直徑一米左右.超誇張!!! 仲有勁大條珊瑚魚,大過我塊臉! 真係唔想走!
今日美中不足係,負責我地隻船的guild唔得,原來pointC水底咁鬼靚,又唔提我地帶snokle落船食飯,浪費我地的時間! 因為水位底,船唔可以長期埋岸,所以一來一回去海中心拎野其實好煩! 還有,船上的人好奇怪,好似除左我,寶,皇上,carol鐘意落水外,其他落水就好似受刑咁…
四/五點返到酒店沖身,大家似乎對酒店唔太滿意.收唔到wifi,潮濕,花灑弱,有蜘蛛及蟻..等.可惜我係through agonda訂,無得退錢架. 其實,個人黎講,無wifi=避世幾日囉,花灑弱=環保用少D水, 蜘蛛/蟻=大自然.只係D有毛動物唔好接近我就得架啦!
大家好回味在Amphibi-ko既時光,所似今晚Amphibi-ko Resort食dinner. 原來唔止阿長肚瀉,我地8位都有4位唔舒服. 尤.老C食飯其間仲暈左3分鐘,嘴都白埋. 老C醒返,大家都呼一口氣. 事後檢討,應該係肚瀉,而又少飲水及進食,以致無能量. 大家都要食野及飲水呀!