8月22 東龍石澗
出征人士:我, 小紅, 大S, 雪兒, ling, 阿成, 傘神, alice(上次大S個fd), ada, 阿龍, 知比, playgirl, (一行十二人)
10點東涌帆船廣場等, 去到點知拆左, 不過都見人, 等左三四個字就齊人(兩個追隊), 等得最快係今次
沿東涌道入黃龍坑道
入澗LU, 我打頭, 因為我係全場最細既, 後出開路上網喎, 仲唔小心做埋"山o模"tim
澗道初段平緩, 愈上就愈斜, 後生仔就拋離後人
上上下就到第一塊瀑, 好大塊濕壁呀, 正攀成功, 有勁人睇住^^, 不過都會有被困既機會.
有人企左好耐係唔上, 我, 大S, ling, 雪兒, 阿成, 攀瀑而上, 其餘人士行山路, 不過行幾個字都係幾十米, 條路有問題??
之後就照上, 廿分鐘都啦, 就到一塊極兇狠的濕壁, 我過去影下相就算, 大S就正攀上去, 除大S外, 全部人士行泥坡上
之後諗住上伏虎潭休息, 以為上十分鐘就到, 點知行左好耐都唔見.
之後阿ling帶頭話上去搵阿寶, 連續幾個瀑都正攀上去
上到去, 變左窮源, 成班人係到搵路, 右邊有絲帶, 原來去右澗(五星澗), 經過十分鐘, 證實我地行錯支源, 比絲帶昆左= =, 我地行過去東龍, 係伏虎潭瀑上面, 阿成同阿ling就上上源搵阿寶.
上面原來係東龍窮源, 其實阿寶係我地下面= =, 但係我跟左佢地, 又上去又落番黎.
坐左一陣就落去, 原來我地隔左兩個瀑, 行山路(跟瀑仲好), 落路好崎嶇.
瀑下又有一個大瀑, 係個到食生果食到飽, 個到影相一流
之後又上番上, 今次攀住上, 之後行山路出黃龍坑郊遊徑.
成千幾級變態樓梯, 落都冇命.
最後去黃龍石澗入口洗衫洗褲.
[ 本帖最後由 hungfai999 於 2009-8-24 06:41 編輯 ]
|
